ဧရာဝတီသား: လားရှိုးပဋိပက္ခ သတင်းယူနေသူ သတင်းထောက် တဦး ရိုက်နှက်ခံရ

အင်တာနက်မှသင်ဆရာမြင်ဆရာနှင့်မိတ်ဆွေအားလုံးကိုဧရာဝတီသားမှနွေးထွေးပျူငှာစွာကြိုဆိုပါတယ်ခင်ဗျာ။မြင်ဆရာများဇြစ်ကြသောအလင်ရောင်ကြယ်များမလေးရှားကဆရာကိုဂေါ်လီ၊ထိုင်းနိုင်ငံမှကနောင်သားလေး၊ဘလော့ခရီးသည်၊ညီနေမင်း၊ဦးဇော်၊မောင်စေတနာနှင့်အင်တာနက်မှဆရာသမားများအားလုံးကိုကျေးဇူးအထူးတင်လျှက်ပါပဲခင်ဗျာ၊၊

30 May, 2013

လားရှိုးပဋိပက္ခ သတင်းယူနေသူ သတင်းထောက် တဦး ရိုက်နှက်ခံရ

လားရှိုး ပဋိပက္ခ သတင်းရယူနေသော နယ်ခံသတင်းထောက်တဦး ယနေ့ ညနေပိုင်းက ရိုက်နှိက်ခံရပြီး ဦးခေါင်းကွဲဒဏ်ရာရရှိသွားကြောင်း သိရှိရသည်။လားရှို့မြို့မှ နယ်ခံသတင်းထောက်တဦးဖြစ်သူ အသက် ၃၀ ကျော် ကို ခွန်ဇော်ဦးမှာ လားရှို့ မြို့ ၇ ရပ် ကွက် တွင် ဆိုင်များလိုက်လံဖျက်ဆီးနေမှုများကို သတင်းရယူနေစဉ် အကြမ်းဖက်သမားများက ဆိုင်ကယ် များနှင့် လိုက်လံတိုက်ခိုက် ရိုက်နှက်ကြောင်း၊ ကင်မရာနှင့် ကင်မရာအတွင်းမှ မန်မိုရီကဒ်ကို ဖျက်ဆီးပစ် လိုက်ကြောင်း၊ အကြမ်းဖက်သူများက ကိုခွန်ဇော်ဦးနှင့် အဖော်တဦးကို သံတုတ်ဖြင့်ရိုက်နှက်ခဲ့သဖြင့် ကိုခွန်ဇော်ဦးတွင် ခေါင်းကွဲ ဒဏ်ရာရရှိသွားကြောင်း၊ ကိုခွန်ဇော်ဦး၏သူငယ်ချင်းဖြစ်သူမှာ ကျောကုန်းတွင် ဒဏ်ရာရရှိသွားကြောင်း မြန်မာဂျာနယ်လစ်ကွန်ရက်မှ ဦးမြင့်ကျော်က ဧရာဝတီသို့ ပြောသည်။

"ခွန်ဇော်ဦးက ကျနော်တို့ ပဋိပက္ခသတင်းရယူနည်း သင်တန်းသွားပေးတုန်းက သင်တန်းတက်တဲ့ သတင်းထောက်တယောက်ပါ။ သူက အလွတ်သတင်းထောက်လုပ်နေတာပါ။ ဒီနေ့ ၇ ရပ်ကွက်မှာ အကြမ်းဖက်ဖျက်ဆီးနေတဲ့သူတွေက သူ့ကို လိုက်ရိုက်ကြတယ်။ သူ ခေါင်းကွဲသွားတယ်။ ကင်မရာထဲက ကဒ် ဖျက်ဆီးခံလိုက်ရတယ်" ဟု ကိုမြင့်ကျော်က ဆိုသည်။

လားရှို့မြို့တွင်ရောက်ရှိနေသော ဧရာဝတီသတင်းထောက်၏အဆိုအရ ရဲတပ်ဖွဲ့ဝင်များက သတင်းထောက်များ၏ လုံခြုံရေးပေးရန် အကူအညီတောင်းခံမှုကို လျစ်လျူရှုထားပြီး လုံးဝ ပူးပေါင်းဆောင်ရွက်မှုမရှိကြောင်း သိရှိရသည်။

မတ်လအတွင်းဖြစ်ပွားခဲ့သော မိတ္ထီလာပဋိပက္ခတွင် သတင်း ရယူနေသော အေပီ သတင်းဌာနမှ သတင်းထောက် ဦးခင်မောင်ဝင်း အပါအ၀င် သတင်းထောက် ၉ ဦးကို အကြမ်းဖက်သူများက ခြိမ်းခြောက်ခဲ့ပြီး ကင်မရာကဒ်အတွင်းမှ ဓာတ်ပုံများကို ဖျက်ဆီးခဲ့သည်။

ဧရာဝတီ