အင်းလေးဒေသ သလဲဦးကျေးရွာမှ မိုင်၄၀ ကွာဝေးသည့် ကလော တရားရုံးသို့ သွားရောက်ရသည်မှာ ခရီးအလွန် ကွာဝေးခြင်းကြောင့် တရားရုံး ပြောင်းလဲပေးရန် ၎င်းတို့က မေလ ၁၀ ရက်နေ့က တောင်းဆိုခဲ့ပြီး ယင်း တောင်းဆိုချက်ကို လိုက်လျောခြင်း မရှိဘဲ ကလော တရားရုံးတွင်သာ ရုံးထုတ် မည်ဆိုပါက အမှု ရုံးချိန်းနေ့တွင် ၄င်းတို့ ခုနစ်ဦးမှာ သွားရောက် အမှုရင်ဆိုင်မည် မဟုတ်ကြောင်း တရားစွဲဆို ထားခြင်းခံရသူ ဦးအောင်ကျော်မိုးက ဆိုသည်။
“ဒီအမှုကတော့ မတရားဘူးလို့ ထင်တဲ့အတွက် သူတို့အနေနဲ့ လုပ်ထုံးလုပ်နည်းအရ ဆိုပြီး ဖမ်းမယ် ဆိုရင်လည်း အဖမ်းခံဖို့ အသင့်ပါပဲ” ဟု အဆိုပါပုဂ္ဂိုလ်က ဆက်လက် ပြောဆိုသည်။
၎င်းတို့သည် အင်းလေးကန် ဟိုတယ် ဇုန်စီမံကိန်းကို တားဆီး ကန့်ကွက်ခဲ့သည်ဟု ဆိုကာ ၂၀၁၃ခုနှစ် ဖေဖော်ဝါရီလ အတွင်းကစ၍ တရားစွဲ ခံထားရခြင်း ဖြစ်ပြီး ညောင်ရွှေမြို့နယ် တရားရုံး တွင် လေးကြိမ်၊ တောင်ကြီးမြို့နယ် တရားရုံးတွင် လေးကြိမ် နှင့် ကလောမြို့နယ် တရားရုံးတွင် နှစ်ကြိမ် ကြားနာ စစ်ဆေးပြီး ဖြစ်သည်။
ဥပဒေကြောင်းအရ သက်ဆိုင်ရာ တရားရုံးက ဆောင်ရွက်နေဆဲ အမှုအခင်းသာ ဖြစ်ပြီး ထိခိုက် နစ်နာစေလိုခြင်း မရှိကြောင်း ရှမ်းပြည်နယ် အစိုးရ တာဝန်ရှိသူ တစ်ဦးက အင်းလေး ဟိုတယ်ဇုန် စီမံကိန်းကြောင့် ဒေသခံများကို တရားစွဲဆိုရခြင်း အကြောင်း ကို ပြောဆိုသည်။
“အဲဒါက တရားသူကြီး အပိုင်းပါ။ကျွန်တော်တို့နဲ့
The Voice Weekly
