ရှေးဟောင်း စာတိုက်သေတ္တာ ပြသ ထားရှိ

မန္တလေးတိုင်း ဒေသကြီး ရမည်းသင်းမြို့နယ် အင်ကြင်းကန် ကျေးရွာ သိမ်ဦးကျောင်းတွင်လွန်ခဲ့သော နှစ်ပေါင်းများစွာက ပြုလုပ်ခဲ့သော ရှေးဟောင်း စာတိုက်သေတ္တာ တစ်လုံးကို တွေ့ရှိခဲ့ရသည်။ယင်း စာတိုက် သေတ္တာကြီးမှာ အလျား ၃၆ လက်မ၊ အနံ ၂၄ လက်မ၊ အမြင့် ၄၂ လက်မ ရှိပြီး ရှေ့မျက်နှာ စာနှင့် ဘေးဘယ်၊ ညာတို့တွင် ရှေးမူလက်ရာ သစွေး၊ သရိုးဖြင့် ကနုတ်၊ ကနွယ်များ၊ နတ်သားရုပ်၊ ဘီလူးရုပ် များကို လက်ရာမြောက်စွာ ပြုလုပ်ထားသည်ကို တွေ့ရသည်။ အဆိုပါ
အရုပ်များမှာ ခြောက်လက်မခန့် ရှိသည်။ လက်ရာမြောက် သက်ဝင်မှု ရှိပြီး ကနုတ်ပန်းများ မှာလည်း တစ်ပင်ပေါ် တစ်ပင်ဆင့် အသွင် တင့်လှ ပေသည်။

ယင်း စာတိုက်သေတ္တာ ကြီးကို တစ်နေရာမှ တစ်နေရာ အလွယ်တကူ ရွှေ့ပြောင်းနိုင်ရန် အတွက် အောက်တွင် သစ်သားဘီး လေးဘီး တပ်ဆင်ထားသည်။ ဆွဲယူမနိုင်ရန် အတွက်လည်း ဘေးဘယ်၊ ညာတို့တွင် သံကွင်းများလည်း တပ်ဆင်ထားသည်။

ရှေးမူလက်ရာ စာတိုက် သေတ္တာကြီးကို နောင်လာ နောက်သားများ လေ့လာနိုင်ရန် အလို့ငှာ အင်ကြင်း ကန်ရွာ သိမ်ဦးကျောင်း ဆရာတော် ဘဒ္ဒန္တဥာဏဓရက ဘုရားခန်းတွင် ထားရှိရန် ထိန်းသိမ်းစောင့်ရှောက် ပြသ ထားကြောင်း သိရသည်။

မြ၀တီ