၉၆၉ လှုပ်ရှားမှုကို အရေးယူသွားမည်ဟု သူရဦးရွှေမန်း ပြောဆို

စာတမ်းတွေကပ်၊ သွေးထိုးစကားတွေ လုပ်ဆောင်နေတဲ့ ၉၆၉ အဖွဲ့ အစည်းတွေ ကို အရေးယူသွားမယ်လို့ အမေရိကန်ပြည်ထောင်စုကို ရောက်ရှိနေတဲ့ ပြည်သူ့လွှတ်တော်ဥက္ကဌ သူရဦးရွှေမန်းက Woodrow Wilson Center မှာ ပြောဆိုလိုက်ပါတယ်။
 ၉၆၉ လှုပ်ရှားမှုကို ဖော်ထုတ်အရေးယူဆောင်ရွက်နေ ပြီဖြစ်တဲ့ အကြောင်းပြောဆိုခဲ့ပြီး ဒေါ်အောင်ဆန်းစုကြည် သမ္မတဖြစ်ရေး ကန့်သတ်ချက်တွေရှိနေတာကို ဖွဲ့စည်းပုံအခြေခံဥပဒေ လေ့လာသုံးသပ်ရေး ကော်မရှင်က ပြင်ဆင် ပယ်ဖျက်ဖို့၊ အစားထိုးဖို့ လုပ်ဆောင်သွားမယ်လို့လည်း သူရဦးရွှေမန်းက ပြောဆိုခဲ့ပါတယ်။

မြန်မာပြည်မှာ အမိန့်ပေးအုပ်ချုပ်မှုကြောင့် ဖြစ်ပေါ်ခဲ့ရတဲ့ အခက်အခဲတွေကို ပြင်ဆင်ဖို့ ဒီမိုကရေစီ လုပ်ထုံးလုပ်နည်းတွေကို လေ့လာသင်ကြားသွား ရမှာဖြစ်တယ်လို့ လွှတ်တော်ဥက္ကဌက ဆိုပါတယ်။

ကမာရွတ်မီဒီယာ