ဒါပေမယ့် အခုမှာတော့ နိုင်ငံတကာမှ သိပ္ပံပညာရှင်များနဲ့ ဖွဲ့စည်းထားတဲ့ အဖွဲ့တစ်ခုရဲ့ လေ့လာတွေ့ရှိချက်အရ ကမ္ဘာကြီး ပူနွေးလာမှုဟာ အရှိန်လျော့နည်း လာနေပြီဖြစ်ကြောင်း၊ ထို့အပြင် ယခင်က ယူဆထားသကဲ့သို့ လျင်မြင်စွာ ပူနွေးလာခဲ့ခြင်းလည်း မရှိကြောင်း သိရှိရသည်။
ယင်းတွေ့ရှိချက်မှာ ကမ္ဘာတစ်ဝန်းရှိ ပညာရှင်များအား အံ့အားသင့်စေခဲ့သည်။ အထူးသဖြင့် တရုတ်နိုင်ငံ၏ ဖွံ့ဖြိုးတိုးတက် လာမှုနှင့်အတူ လေထုတွင်းသို့ ကာဗွန်ထုတ်လွှတ်မှုလည်း စံချိန်တင် များပြားလာနေသည့် အချိန်၌ ယခုကဲ့သို့ ကမ္ဘာကြီး ပူနွေးလာမှု နှေးကွေးလာနေသည် ဆိုခြင်းမှာ ဆန့်ကျင်ဘက် ဖြစ်နေသည်။
အဆိုပါ အဖွဲ့အနေဖြင့် လတ်တလောကာလအတွင်း အပူချိန် ပြောင်းလဲမှုများအား အနီးကပ်လေ့လာခဲ့ကြရာ လေထုတွင်း ကာဗွန်ဒိုင်အောက်ဆိုဒ် ပြန့်နှံ့မှုမှာ စက်မှုလုပ်ငန်းများ မဖွံ့ဖြိုးမှီ အချိန်ကထက် ၂ ဆ ကျော် များပြားနေသည်ဟု တွေ့ရှိခဲ့ကြသည်။
ဤလေ့လာတွေ့ရှိမှုမှတဆင့် အဆိုပါ ပညာရှင်များ အနေဖြင့် ကမ္ဘာမြေကြီး၏ အပူချိန်သည် လာမည့် ဆယ်စုနှစ်အတွင်း ၀.၉ မှ ၂.၀ ဒီဂရီစင်တီဂရိတ် (သို့) ၁.၆ မှ ၃.၆ ဒီဂရီဖာရင်ဟိုက် များပြားလာနိုင်သည်ဟု ဖော်ထုတ်နိုင်ခဲ့ကြသည်။ အထက်ပါ ကိန်းဂဏာန်းများမှာ ၂၀၀၇ ခုနှစ်တွင် ကုလသမဂ္ဂမှ ထုတ်ပြန်ခဲ့သည့် ကိန်းဂဏာန်းများထက် လျော့နည်းနေသည်ကိုလည်း တွေ့ရှိရမည်ဖြစ်သည်။
အဆိုပါအဖွဲ့၏ ခေါင်းဆောင်ဖြစ်သူ ပါမောက္ခ ရီတိုကနူတီက “ကမ္ဘာကြီး ပူနွေးလာမှုဟာ အရှိန်လျော့နည်း လာနေတယ်ဆိုတာ မှန်ပေမယ့် ယခင်ကတည်းက မျှော်မှန်းထားပြီးဖြစ်တဲ့ ၂.၀ ဒီဂရီစင်တီဂရိတ် ပစ်မှတ်ကတော့ မလွဲအသွေ ရောက်ရှိဦးမှာပါ။ အနှေးနဲ့ အမြန်ပဲ ကွာပါလိမ့်မယ်။ ဒါပေမယ့် အချိန်ကို တတ်နိုင်သမျှ ဆွဲဆန့်နိုင်ဖို့ဆိုရင်တော့
စက်မှုတော်လှန်ရေး မတိုင်မှီကာလမှ ယနေ့ကာလအတွင်း အပူချိန်မှာ ၀.၈ ဒီဂရီစင်တီဂရိတ် (၁.၄ ဒီဂရီဖာရင်ဟိုက်) မြင့်တက်လာခဲ့ပြီး ဖြစ်သည်ဟု သိရှိရသည်။ ပညာရှင်များ၏ အဆိုအရ အပူချိန်မြင့်တက်မှုသည် ၂ ဒီဂရီစင်တီဂရိတ်သို့ ရောက်ရှိသည့်အချိန်မှ စတင်ပြီး ကမ္ဘာပေါ်တွင် ကြောက်မက်ဖွယ်ကောင်းသည့် ပြောင်းလဲမှုများ စတင်ဖြစ်ပေါ်လာမည်ဟု သိရှိရပြီး အပူလှိုင်းများ ၊ ပင်လယ်ရေမျက်နှာပြင် မြင့်တက်လာခြင်း ၊ ရေကြီးခြင်း စသည်တို့ကို အကြီးအကျယ် ခံစားရမည်ဟု သိရှိရသည်။
Myanmar Consumer Guide
