ကိုယ်ပိုင် ထုတ်လုပ်ရေး လုပ်ပြီး ဇာတ်ကားတွေ ရိုက်ကူးနေတဲ့ ခိုင်နှင်းဝေ

ကိုယ်ပိုင် ထုတ်လုပ်ရေး လုပ်ပြီး ဇာတ်ကားတွေ ရိုက်ကူးတော့မှာ ဖြစ်တဲ့ ခိုင်နှင်းဝေ က အနုပညာ

အလုပ်ကို ဝါသနာ ပါပြီး စီးပွားရေးလည်း လုပ်ချင်တာကြောင့်၊ ကိုယ်ပိုင် ထုတ်လုပ်ရေး ကိုပဲ လုပ်ဖြစ်သွား တာ ဖြစ်ကြောင်း ပြောပါတယ်။  ဇာတ်ကား ကောင်းတွေကို ဦးစားပေးပြီး ရိုက်ကူး သွားမှာ ဖြစ်ကြောင်းပြောတဲ့ ခိုင်နှင်းဝေက “ကုမ္ပဏီအတွက် ဇာတ်ကား ကောင်းတွေကို ဦးစားပေးပြီး ရိုက်သွားမှာပါ။ ကုမ္ပဏီ ကတော့ အခုမှ ကြိုးစားပြီး ရိုက်တုန်းပါပဲ။ ကုမ္ပဏီ နာမည် ရွေးပြီးတော့ တကယ် ဖွင့်ပြီ ဆိုတော့မှ စာနယ်ဇင်းတွေ နဲ့ မိတ်ဆက်ပွဲ လုပ်သွားမှာပါ။  ဇာတ်လမ်း ကောင်းတွေကို ရွေးပြီး ကြိုးစား သွားမှာပါ။  ကျွန်မရိုက်တဲ့ ဇာတ်ကားက ပိုကုန် ပါတယ်။ သရုပ်ဆောင်တွေကို ဈေး မဆစ်ချင်ဘူး။ ကိုယ်ချင်းလည်း စာပါတယ်။ ကိုယ်ကလည်း သရုပ်ဆောင် ထဲက လာတာ ဆိုတော့ ဇာတ်ကား ရိုက်ဖို့ ဈေးစကားပြောရ တာတွေ ရှိတယ်။ အလျှော့ပေးရ တာတွေ ရှိတယ်။ ဒါပေမဲ့ သူများကို အလျှော့ပေးပါ လို့ပြောရမှာ သရုပ် ဆောင်ချင်း ကိုယ်ချင်းစာ စိတ်ဖြစ် ဖြစ်နေတော့ သိပ် မကိုက်ဘူး ဖြစ်နေတယ်။ ဒါပေမဲ့ စီးပွားရေး ဆိုတော့လည်း ကုမ္ပဏီ ဘက်ကလည်း ပြန် ကြည့်ရသေး တယ်” လို့ပြောပါတယ်။

ခိုင်ဝေလွင်
By Popular Myanmar