မြန်မာ့ပြောင်း ဂျပန်ဝယ်ရန် စတင်ကမ်းလှမ်း

ဂျပန်က မြန်မာ့ပြောင်းကိုဝယ်ယူရန် စတင်ကမ်းလှမ်းထားသည်ဟု သတင်း ရရှိသည်။ နှစ်ပေါင်း ၄ဝ ခန့် မြန်မာ့ဆန်ကို ဝယ်ယူမှုရပ်ဆိုင်းထားခဲ့သော ဂျပန်က ၂ဝ၁၃ ခုနှစ်ထဲတွင် ပြန်လည်ဝယ်ယူခဲ့ပြီး လပိုင်းအကြာ ပြောင်းကိုပါ ထပ်မံဝယ်ယူရန်ကမ်း လှမ်းခဲ့ခြင်းဖြစ်သည်။ဂျပန်လုပ်ငန်းရှင်တို့သာမက အစိုးရဝန်ထမ်းပိုင်းကပါ ပြောင်းကို မြန်မာမှ ဝယ်ယူသွားရန် ယခုရက်ပိုင်းတွင် စီးပွားရေးလုပ်ငန်းရှင်

အချို့နှင့် လာရောက် တွေ့ ဆုံကာ ဆွေးနွေးခဲ့သည်ဟု မြန်မာ-ဂျပန်အသင်းမှ သိရသည်။

အရည်အသွေးပိုင်း ဆိုင်ရာ စိစစ်မှု တင်းကျပ်သည့် ဂျပန်နိုင်ငံသို့ မြန်မာ့ဆန် အောင်မြင်စွာ ဖြတ်ကျော်နိုင်ခဲ့မှုအပေါ် အခြေပြုကာ ပြောင်းမှာလည်း အခက်အခဲရှိ လိမ့်မည်မဟုတ်ဟု
လုပ်ငန်းရှင်အချို့က မှတ်ချက်ပြုကြသော်လည်း တင်ပို့နိုင်မည့် ပမာဏကိုမူ ဆက်လက်ဆွေးနွေးရဦးမည်ဟု ဆိုကြသည်။

ပြောင်းမှာ ရှမ်းပြည်နယ်တောင်ပိုင်းနှင့် မြောက်ပိုင်းတွင် တန်ချိန်သုံးသိန်းစီ၊ ဧရာဝတီတိုင်းဒေသကြီးနှင့် အောက်ပိုင်းဒေသများက တန်ချိန် တစ်သိန်းကျော်၊ နေပြည် တော်နှင့် အထက်အညာတစ်ဝိုက်က တန်ချိန်တစ်သိန်းကျော်ဖြင့် နှစ်စဉ်စုစုပေါင်း တန်ချိန်ခုနစ်သိန်းခွဲခန့် ပုံမှန်ထွက်ရှိသည်ဟု စိုက်ပျိုးရေးမှတ်တမ်းများအရ သိရသည်။

လက်ရှိတွင် မြန်မာ့ပြောင်းကို ဘင်္ဂလားဒေ့ရှ်၊ အရှေ့အာရှ၊ ဗီယက်နမ်၊ တရုတ်နှင့် ထိုင်းသို့ နယ်စပ်ဂိတ်နှင့် ပင်လယ်ရေကြောင်း ကုန်သွယ်မှုမှတစ်ဆင့် တင်ပို့နေသည်။
တောင်တွင်းကြီးမှ ပြောင်းဖူးကုန်သည် ဦးပြူးက

''ဂျပန်ကဝယ်လည်း မြန်မာ့ ပြောင်းဈေးကွက်က သိသိသာသာ ပြောင်းလဲမှုတော့ ရှိမလာနိုင်ဘူး'' ဟု ပြောသည်။
အမေရိကန်က နှစ်စဉ်ပြောင်းတန် ချိန် သန်း ၃ဝဝ၊ တရုတ်က တန်သိန်း ၁၅ဝ ထွက်သော ဈေးကွက်ကြီးရှိနေ၍ အမေရိကန်၏ သတ်မှတ်သောဈေးနှုန်း အတိုင်းသာနိုင်ငံတကာက လိုက်လံ ရောင်းချနေရသည်ဟု ၎င်းက ဆိုသည်။

Popular Myanmar News Journal