၂၀၁၀ ခုနှစ်အတွင်းက အီတလီဝန်ကြီးချုပ်ဟောင်း ဆီလ်ဗီယိုဘာလပ်စ်ကိုနီက ၎င်း ၏ နေအိမ်တွင် အလှဆင်ထား သော အင်္ဂါနတ်သား(မားစ်)နှင့် သောကြာနတ်သမီး(ဗီးနပ်စ်)ရုပ် တုတို့တွင် အင်္ဂါမစုံလင်ဟုယူဆ ခဲ့သဖြင့် လိုအပ်နေသော အစိတ် အပိုင်းများကို ဖြည့်စွက်စေခဲ့သ ဖြင့် ကမ္ဘာ့အနုပညာလောကအား တုန်လှုပ်သွားစေခဲ့သည်။
ထိုသို့ဖြည့်စွက်ပေးမှုကြောင့် မားစ်နတ်သားရုပ်တုတွင် လက်၊ ဓားဦးပိုင်းနှင့် ယောက်ျားအင်္ဂါ များရရှိသွားသကဲ့သို့ ဗီးနပ်စ် နတ်သမီးရုပ်တုတွင်လည်းပြတ် နေသောလက်က အကောင်း ပကတိပြန်ဖြစ်သွားသည်။
ယူရိုငွေ ၇၀၀၀၀ ကုန်ကျ သည့်ထိုဖြည့်စွက်မှုသည် ဘာ လပ်စ်ကိုနီကို ဆန့်ကျင်လိုသူ များအတွက် ပျက်ရယ်ပြုစရာနှင့် ဒေါသထွက်စရာဖြစ်လာခဲ့ရသည်။ ဧကရာဇ်အော်ရီလီယုစ်နှင့် မိဖု ရား ဖောစတီးနားတို့လက်ထက် အေဒီ ၁၇၅ ခုနှစ်က ထွင်းထုခဲ့ သည့် ထိုနတ်ရုပ်များကို ၁၉၁၈ ခုနှစ်တွင် ရောမမြို့အနီးရှိ အော့စ် တီးယားဒေသတွင် ပြန်လည် တွေ့ရှိခဲ့ရခြင်းဖြစ်သည်။
ထိုရုပ်တုများသည် ၂၀၁၂ ခုနှစ် ဘာလပ်စ်ကိုနီ ရာထူးပြုတ် ကျပြီးနောက်တွင် ရောမအမျိုး သားပြတိုက်သို့ ပြန်လည်ရောက် ရှိသွားပြီး ထိုရုတ်တုများကို မူလပုံစံအတိုင်း ပြန်လည်မြင်တွေ့ ရစေရန် သမိုင်းပညာရှင်ဂျီအိုဗန် နာဘန်ဒီနီက ကြီးကြပ်ဆောင် ရွက်ခဲ့သည်။
သံလိုက်စနစ်နည်းပညာဖြင့် တပ်ဆင်ပေးထားသော ကိုယ် အင်္ဂါအတုများမှာ မူလရုပ်တုများ ကို မည်သို့မျှ ထိခိုက်ပျက်စီးမှု မရှိစေကြောင်းနှင့် ရုပ်တုများကို မူလပုံစံသို့ ပြန်လည်ပြုပြင်ခြင်းမှာ လုံးဝအောင်မြင်ကြောင်း ဘန်ဒီ နီကပြောကြားလိုက်သည်။
ဥက္ကာအောင်
