အခွင့်အရေးရတိုင်း မယူဘူးဆိုတဲ့ မိုးဟေကို

လတ်တလောမှာ မိုးဟေကိုက ဒါရိုက်တာ နေသူရိန်ရိုက်ကူးတဲ့ "ထားခဲ့ရမှာစိုးတယ်" ဇာတ်ကားကို နေမင်းနဲ့အတူ သရုပ်ဆောင်နေပါတယ်။ ဒီဇာတ်ကားလေးမှာ မိုးဟေကို က ကင်ဆာရောဂါသည် တစ်ယောက် အဖြစ် သရုပ်ဆောင်ထားပါတယ်။ နောက်ပိုင်းမှာ ကိုယ်ရိုက်ချင်တဲ့ ဇာတ် ရုပ်တွေကိုပဲ ရိုက်ဖြစ်နေကြောင်း မိုးဟေကိုက ပြောပါတယ်။

" ကိုယ်ရိုက်ချင်တယ်၊ ကိုယ်လုပ် ချင်တယ်ဆိုရင်တော့ လုပ်လိုက်တာပဲ။ ဘယ်ဇာတ်ရုပ်နဲ့လိုက်တယ် ဆိုတာထက်ကိုယ့်ကိုပေးတဲ့ ဇာတ်ရုပ်တွေကို လုပ်ကြည့် ချင်တယ်ဆိုတဲ့ စိတ်နဲ့ လုပ်ခဲ့ တယ်" လို့ပြောတဲ့ မိုးဟေကိုက တအား ရိုက်ချင်တဲ့ ဇာတ်ရုပ်ပုံစံလည်းရှိကြောင်းပြော ပါတယ်။

" အဲဒီလိုဇာတ်ရုပ် ပုံစံတော့ရှိတယ်။ ဒါပေမဲ့ ကိုယ့်အတွက်ကို အချိန်မပေးနိုင်သေးဘူး။ ကိုယ်ရိုက်ချင်တဲ့ ဇာတ်လမ်း တွေကို ကိုယ့်ဘာသာကိုယ်ရိုက် ဖို့တော့ရှိတယ်။ တခြားအလုပ်တွေနဲ့
ရှုပ်နေတဲ့ အတွက်ကြောင့် ကိုယ့်အတွက်ကို အချိန် မပေးနိုင်သေးဘူး" လို့ပြောပါတယ်။ လတ်တလောမှာ ထွက်ရှိထားတဲ့ ဒါရိုက်တာ ဝင်း ထွန်းထွန်း ပုံဖော်ရိုက်ကူးထားပြီး ပြေတီဦး၊ မိုးဟေကိုတို့ ပါဝင်သရုပ်ဆောင်ထားတဲ့ " နက်နက်ရှိုင်းရှိုင်းမှား" ဇာတ်ကားကလည်း ပရိသတ်တွေ ကြိုက်ကြတာကို တွေ့ရပါတယ်။

အခုနောက်ပိုင်းမှာ အနုပညာအလုပ်လုပ်ရတာ
အရင်က ထက်ပိုပြီး လေးနက်လာကြောင်း မိုးဟေကိုက ပြောပါတယ်။

" ရွေးချယ်မှုလေးတွေ ပိုပြီးလုပ် ခွင့်ရလာတယ်။ တဖြည်းဖြည်းနဲ့တော့ အခွင့်အရေးတွေ ပိုရလာတာပေါ့။ အခွင့်အရေး ရတိုင်းလည်း မယူဘူး။ ကိုယ်တကယ်လုပ်ချင်မှ လုပ်တယ်။ မလုပ်ချင်ရင်တော့ တစ်ခုမှမလုပ်ဘူး။ အဓိကကတော့ ဒီအလုပ်ပဲဖြစ်ဖြစ်၊ ဘယ်အလုပ်မဆို စိတ်ထဲမှာ ထားပြီးတော့လုပ်တယ်။ အခုရောက်ရှိနေတဲ့ နေရာလေးကိုတော့
ကျေနပ်အားရမှုကတော့ ၁ဝဝရာခိုင်နှုန်း မဟုတ်ပေမယ့် အသင့်အတင့်လောက်ပဲ ရှိပါသေးတယ်" လို့ ပြောပါတယ်။

တွယ်တာ
Popular Journal