နှစ်ပေါင်း ၄၀၀ ကျော်က အေးခဲနေသည့် ရေညှိပင်များ ပြန်လည်ရှင်သန်

အာတစ်ဒေသတွင် နွေရာသီ၌ လွန်ခဲ့သောနှစ်ပေါင်း၄၀၀ ကျော်ခန့်ကအေးခဲနေသည့် ရေညှိပင်များကို တွေ့ရှိခဲ့ပြီး ပြန်လည် ရှင်သန်စေရန်မွေးမြူနိုင်ခဲ့ကြောင်း ကနေဒါမြောက်ပိုင်း အဲလက်စ်မဲ သိပ္ပံစခန်းက သတင်းထုတ်ပြန်ခဲ့သည်။အယ်လ်ဘာတား တက္ကသိုလ်က ဇီဝဗေဒပညာရှင်ဖာဂီသည် လေးမီတာခန့်
ရှည်သည့် ရေခဲပြင်ပြတ်ရွေ့ကြောင်းကြီးတစ်ခုကို စောင့်ကြည့်လေ့လာခဲ့ရာ မမျှော်လင့်ဘဲ ရေခဲပြင်အောက်တွင် လွန်ခဲ့သည့် နှစ်ပေါင်း ၄၀၀ ခန့်ကတည်းက ရွှံ့များ အုပ်မိနေခဲ့ သည့် ရေညှိပင်များကို တွေ့ရှိခဲ့ခြင်းဖြစ်သည်။သိပ္ပံပညာရှင် ဖာဂီသည် ထိုရေညှိများကို ဓာတ်ခွဲခန်းသို့ယူပြီး စစ်ဆေးကြည့်ရာ လွန်ခဲ့သည့် ၁၅၅၀ မှ ၁၈၅၀ ခုနှစ်အတွင်း ရေခဲခေတ်တွင် ရှင်သန်ခဲ့သည့်
အပင်များဟု သုံးသပ်ခဲ့သည်။

ဖာဂီက ထိုရေညှိများကို ဖန်ခွက်တစ်ခုအတွင်းထည့်ပြီး မြေဆီများနှင့်ပြန်
လည်စိုက်ပျိုးကာ သူမရုံးခန်းအတွင်း ထားရှိခဲ့သည်။ ရက်သတ္တပတ်
ခြောက်ပတ်ခန့်အကြာတွင် ထိုအပင်ငယ်လေးများသည် အစိမ်းရောင်
သမ်းလာပြီး ပြန်လည်ရှင်သန်လာခဲ့ ကြောင်း အံ့သြဖွယ်ရာတွေ့ရှိခဲ့ရသည်။
သူတို့က ရေညှိပင်များကို အုပ်စု ၂၄ စုခွဲပြီး ပြန်လည်စိုက်ပျိုးခဲ့ရာတွင် ၇ အုပ်စုအတွင်း ပြန်လည်ရှင်သန်လာနိုင်ခြင်းဖြစ်သည် ဟု ဖာဂီကဆိုသည်။

ရေညှိပင်များသည် နှစ်ပေါင်း သန်း ၄၀၀ ခန့်အထိ အသက်ရှင်နိုင်ကြောင်း၊
ရေညှိပင်များနည်းတူ အခြားအပင်များကိုလည်း ပြန်လည်ပြုစုပျိုးထောင်ပြီး ရှင်သန်စေရန် ပြုလုပ်ပေးနိုင်ကြောင်း၊ ရေညှိဆဲလ်များသည် အလွန်ကြံ့ခိုင်
သန်စွမ်းသဖြင့် ယခုလို ပြန်လည်ရှင်သန်နိုင်ခြင်းဖြစ်ကြောင်း သူမကဆိုသည်။

ယခုတွေ့ရှိချက်သည် အင်္ဂါဂြိုဟ်သို့ သက်ရှိများပို့လွှတ်ရေးအစီအစဉ်အား အထောက်အကူပြုနိုင်ကြောင်း၊ အေးခဲခြင်းဖြင့် နှစ်ပေါင်းများစွာ ရှင်သန်နိုင်
သည်ဆိုသော သဘောတရားသည် လူတိုင်းသိပြီးဖြစ်သော်လည်း အပင်မျိုး
စိတ်များ၏ ရှင်သန် နိုင်စွမ်းကို လေ့လာခြင်းဖြင့် လူသားတို့ရှင်သန်နိုင်ရေး
ကိုလည်း အထောက်အကူပြုနိုင်ကြောင်း သူမကပြောကြားခဲ့သည်။

မောက္ခ